Grignei di scuele: dicembre 2008

lunedì 22 dicembre 2008

GIF ANIMADIS

Prepare une imagjin cul program di presentazion.
Disegne un piron
o une sedon
o un curtìs
o une tace
o un plat
o une cjicare
o une guantiere,
o une cogume
o une plere.
Copie e incole la imagjin,
modifiche la seconde figure.
Doprant il tast Stamp R Sist su la tastiere fotografe la scrivanie.
Cul program Gimp vierç il file, selezione la prime imagjin, taile e salvile.
Dopo selezione la seconde imagjin, taile, salvile.
Cumò va sul browser e bat http://picasion.com/ inte sbare de direzion.
Cjarie lis tôs imagjinis e cjale l'efiet!

ROVUL

Il Rovul che al à disegnât Tomâs
al devente une gif animade!

lunedì 15 dicembre 2008

Pe classe 5C

Lei cun atenzion la tabele dal sondaç di sintesi "Tabella 1 2 2".
Viôt il numar di personis che a fevelin lis lenghis dal elenc de colone che ti vignarà dade di lei.
Confronte il numar totâl des lenghis feveladis cul numar dai fruts intervistâts de stesse colone.
Scrîf intal coment chi sot il non de to colone, il to non, e la leture des informazions cence coment.
Dopre chest esempli (tu puedis copiâlu, incolâlu e completâlu, sielzint tra lis diferentis pussibilitâts):

Ae domande....... a àn rispuindut...... fruts des classis 2°,3°,4° e 5°.

Cui fruts intervistâts al risulte che la mame/il papà/ i nonos a fevelin....
I gjenitôrs dai fruts intervistâts tra di lôr a cjacarin....
I gjenitôrs dai fruts intervistâts cui lôr amîs a tabain....
I fruts intervistâts cu la mame/il papà/i nonos/ lis sûrs e i fradis/ lôr amîs in cjase/ cui lôr amîs a scuele a cjacarin...

Alla domanda ..... hanno risposto...... bambini delle classi 2°, 3°, 4° e 5°.

Con i bambini intervistati risulta che la mamma/il papà/ i nonni parlano...
I genitori dei bambini intervistati tra loro parlano...
I genitori dei bambini intervistati con i loro amici parlano....
I bambini intervistati con la mamma/il papà/i nonni/le sorelle e i fratelli/i loro amici in casa/ i loro amici a scuola parlano....