Poesie e cjançon

LA FURMIE di Giobatta Gallerio
...
Inzegnose besteute,
cuant che e ven la sô stagjon
jê si met a parâ dongje 
la sô brave provision:
e a si svee sù a buinore,
e no sta dibant un'ore,
e dut cuant il dì e strussie:
vait a scuele de furmie!

LIS ÂS

Ce tant che mi plâs - a viodi lis âs
che dutis contentis - e dutis atentis
son simpri indevant - nissune dibant:
chê biele famee - che il cûr mi ricree!
...  



CJANÇON di Amedeo Giacomini (adatade)

Us cjanti une cjançon
fate di nuie,
no di amôr us disarai,
no di vite,
ma nancje di dolôr;
l'ai scrite di bessôl
sentât sot di un ornâr
ta l'aghe blancje:
us cjanti, us cjanti
di ce ch'a mi pâr.

Parsore dal ornâr sgripiât
al zorle un petaros,
intor soreli sflamât,
un cjan al brache la lune di lontan;
tal glon di une cjampane
a file la sere la sô lame
e un sgrisul a corimi intal sanc.
In chistu vuê piardût,
s'j vuei, us cjanti di doman.

Ta l'aghe sot di me
a sgarfe une pantiane,
une tencje a cjucje la sô cjane
e la lune? Simpri plui blancje,
simpri plui lontane...
Mi soi jevât suturno,
une ocjade a la roste, ai poi,
a l'aghe misteriose,
al petaros che subite al è lât
e a cjase j soi tornât.

Svuale tu cumò, me cjançon,
porte atôr tu, s'i tu pôs,
il mio nuie, la mê sole veretât.


Plagnis di otubar

Plagnis - d'otubar


I COLÔRS di Lorele la Morete
 
In sierade mi maravein
i colôrs di ram
che a si remenin
intal aiar.



LA LUNE  di Lorele la Morete

A lunc tal scûr
blanc il plat
di bon al nûl.