E je tornade Primevere,
cui soi mîl e mîl odôrs;
dut il mont al mute siere,
ducj a tornin i colôrs.
Ancje tu, tu sês tornade,
cisilute ti vuei ben;
vorês dati une bussade,
e tignîti sul gno sen.
Dulà vâstu cisilute?
No stâ lâ lontan lontan;
fâs culì la tô cjasute
di stecuts e di pantan.
Reste pûr, reste pojade
cisilute, su chel len;
vorês dati une bussade
e tignîti sul gno sen!
Nessun commento:
Posta un commento