Titul:  Storie di magjiis 

de classe tierce A

Ambient, puest: citât, palaç, cjistiel di Eliza, cjistiel  di Gabriel.

Elements intal ambient: rosis, arc di San Marc, tren colorât.

Personaçs: il re dai simions, doi gjats, un unicuar, un cjaval, Pieri Doi, l’Om Ragn. 

Une volte intun magjic cjistiel, 

biel biel, 

cun doi arcs di San Marc daur, 

un prât cun tantis rosis devant

e dôs bandierinis coloradis parsore,

a vivevin doi gjats 

cul lôr paron che si clame Pieri Doi. 

Un gjat al jere cence un voli e al jere siôr 

e chel altri gjat al jere maleducât.

Il paron al jere sioron.

Intant che il paron Pieri Doi al fâs la doce, 

al rive il re dai simions 

grant, grues, pelôs, muscolôs, fuart, trist 

e cuntun len in man. 

Al bat il len par tiere 

e al fâs tant rumôr parcè che al è rabiât. 

Il simion al rapìs Pieri Doi sot de doce 

e lu tapone intun palaç inte citât.

Il gjat maleducât si acuarç di chest fat 

e al cîr di salvâ il paron 

sgrifignant il voli dal simion, 

ma nol rive a liberâ Pieri Doi.

Il gjat cence un voli al clame l'unicuar 

che al vîf intal cjistiel di Gabriel

e i domande di puartâlu in citât. 

L'unicuar al svole fin inte citât 

e al domande a l'Om Ragn di judâlu.

Intant il re dai simions

al va sul tren di ducj i colôrs 

e al va a rompi dut il cjistiel di Gabriel... 

Alore l'unicuar al fâs une magjie

cu lis rosis magjichis dal prât 

e al trasforme il cjistiel

intun cjaval grandonon. 

L'Om Ragn al cîr di dâ fastidi al simion 

cu lis telis di ragn, 

ma nol rive a caturâlu.

Il cjaval i da rips a çampe e a drete

al simion 

che al devente un bon vendidôr di rosutis! 

I gjats a van sul unicuar che, 

cjaminant sul arc di San Marc, 

al va sul palaç inte citât 

li che al è il paron 

e lu salvin.

Il podê des rosis 

al va tai arcs di San Marc 

che a fasin une grande lûs

e ducj a fasin fieste.