Il barat ideis pal film 2

Cu la votazion passade o sin rivâts a chestis dôs continuazions a pari merit.
Torne
vote la continuazion da la storie che ti plâs di plui scrivint un coment cul numar dal toc di storie e il to non e iniziâl dal cognon.


I ogjets che a vegnin butâts vie a cjapin vite e vuelin vendicâsi.

Un frut a bute vie un zugatul invece di baratâlu e il zugatul al cjape vite e.....

(ce fasial?)

1. A vês di savê che si tratave di un bielissim gjalut di len dut colorât. Il gjalut i cor daûr al frut e al torne a cjase cun lui, ma al va a taponâsi daûr dal barcon de cjamare. Al decît di cjantâ ogni ore ogni dì e ogni gnot. Ducj chei che a vivin intal paîs no puedin plui di chei "chichirichi" fin cuant che il  frut al cjate il gjalut intun cjanton. Al capìs subit il so erôr e cussì, par dâ une gnove vite al so zugatul, lu puarte intal gjalinâr... il gjalut al fâs amicizie cun dutis lis gjalinis e al vîf content par tancj agns.
2. Alore il zugatul al decît di svindicâsi fasint al frut ce che al è stât fat a lui. Il zugatul al va inte cjase dal frut, al jentre, lu cîr par dut e lu cjate che al duâr sul sofà. Al decît di puartâlu fûr e di butâlu intal bidon da lis scovacis. Cumò il zugatul al spiete che un altri frut lu cjati e i vueli ben.