Poesiis e ideis

poesiis di Pier Paolo Pasolini

.... 
Ciantànt al me spieli
ciantànt mi petèni. 
Al rit tal me vuli 
il Diàul peciadòur. 
... 

...........................................................................................................

 Detule

I fruts e i cjocs a àn simpri l'agnul custode cun lôr.
I bambini e gli ubriachi hanno sempre vicino l'angelo custode.

...........................................................................................................

role.it/proverbi/friuli/proverbio-27263>
Il gjal, plume braurose di Maria Forte

Ti svee

adore adore

il cjant ledrôs dal gjâl;

ti slambre il siùm,

dulà che tu ti parìs:

il gjâl al tae

il scûr (e i cops

inmò 'e àn sigos di civuitis)

e al bute la so grocje

cuintri la gnot ristive

sui balcons,

o si ferme, bec viert,

a ingosasi di vint.

Il gjâl, plume braurose

e vôi di barufant,

simpri in scomesse

cu la cjampane che si nice

a l'albe.
...........................................................................................................

Dal librut "Sot la piergule" di Anute Fabris

...

No une vôs di cristian,

no berghelâ di fruts: dopo misdì

al è cjalt, a son a durmî.

Al è cidin par dut.

Ma no cidin dal dut:

cocodâ di gjalinis pal curtîl,

gudulâ di colomps, tacâts tacâts,

badaiâ e svoletâ di passarins

e businâ di âfs denant dal boç.

...

...........................................................................................................

IL VOTO DEL RAGNO
Al Sig. Bar. Ottavio N. N. Di Ermes di Colloredo
 ....
Al dìs che al vignì prin un plat di brût
Grand come un suei, cun dentri dos sopetis
....
Al comparì daspò un plat rëal
Con un quart di chiapon ben regolat,
Che si podeve just paragonal
A di une farcadizze in miez un prat;
....
Vignì po un plat imperïal bel gnuf,
E lustri, che al pareve just un spieli,
Cuviart d'une fritaje di miez uf,
Grande che un fonz pareve di chiaveli.
...